Matt Damon u ka thënë fansave se duhet të presin edhe shumë për vazhdimin e radhës për Bourne, sepse filmi i katërt është ende shumë larg realizimit.
Aktori hollivudian njoftoi në mars të këtij viti, se ai dhe regjisori Paul Greengrass janë duke zhvilluar një skenar origjinal për filmin e radhës, i cili është i bazuar në librin e Robert Ludlum.

Mirëpo, dyshja dëshiron që ta bëjë të suksesshëm këtë film, sikurse edhe ata të mëparshmit, ashtu që ata po vazhdojnë ngadalë që të shkruajnë skenarin.

Damon i ka thënë revistës britanike Total Film se janë mjaft seriozë në realizimin e skenarit, sepse dëshirojnë një film të mirë, ndërkohë që ka paralajmëruar se xhirimet do të fillojnë pas 18 muajsh.