Megan Fox ka zbuluar se ajo ka gënjyer shpesh shtypin, për të mbajtur jetën e saj private larg syrit të medias, duke thënë se pendohet që i gënjeu gazetarët, për shkak se krijoi edhe më shumë thashetheme.
Ylli i “Transformers” ka mbajtur një kohë të gjatë mediat pranë saj me deklaratat e çuditshme rreth të dashurit të saj Brian Austin Green. Aktorja ka pranuar së fundmi se ajo ka gënjyer në shumë prej intervistave të saj rreth jetës së saj private.

“Në të kaluarën, unë refuzoja të komentoja mbi jetën time ose të lejoja njerëzit të flasin për realitetin tim. Kështu që, shpeshherë kam thënë gjëra vetëm e vetëm për t’i larguar njerëzit nga zhvillimet e jetës time. Por, unë vetëm sa i mbusha me keqkuptime mediat dhe i detyrova të flasin edhe më tepër, gjë për të cilën pendohem”, deklaroi Fox.