Cirku “John Lawson” nga Anglia ofron
këshilla fala për njerëzit që vuajnë nga koulrofobia, përkatësisht kanë
frikë nga klounët, transmeton gazeta britanike “Metro”.

Një studim i mëhershëm ka treguar se pas merimangave dhe
gjilpërave, britanikët i frikësohen më së shumti klounëve.

Drejtuesi
i një cirku, në të cilin nuk ka kafshë, Atila Endres, shpreson se kjo
ofertë do të tërheqë publikun në shfaqjet që do të organizohen javën e
ardhshme në Neuntu.

“Është e pabesueshme që shumë njerëz
frikësohen nga klounët. Megjithëse të gjithë presin që në cirk të
shohin klounët, disa njerëz tremben kur i shohin. Me këtë mendoj për të
rriturit”, tha Endres.

Ai shtoi se situatën e kanë përkeqësuar
mediet me paraqitjen negative të klounëve.