[You must be registered and logged in to see this image.]

Afrim Tovërlani, megjithatë, do ta
udhëheqë Trepçën ’89 edhe sezonin e ardhshëm. Edhe pse javë më parë
kishte paralajmëruar ndarjen me klubin mitrovicas, trajneri prishtinas,
pas disa bisedimesh që pati me udhëheqësit e klubit, vendosi ta
vazhdojë bashkëpunimin edhe për një vit me “Xehetarët”.

Këtë e ka bërë të ditur vetë Tovërlani të enjten për Express. “Pas
disa bisedash që pata, u morëm vesh për një kontratë të re njëvjeçare.
Të dyja palët lëshuam paksa pe rreth kushteve dhe në fund u arrit
marrëveshja. Ajo që më shtyri të vazhdoj me Trepçën ’89 ishte fakti se
kryesia ishte gjithnjë korrekte me mua, por edhe futbollistët. Ishte
dëshirë e përbashkët, kështu që unë do ta vazhdoj punën atje”, tha
Tovërlani.

Ish trajneri i Prishtinës njoftoi se gjatë verës
pret që klubi t’ia sjellë 3-4 përforcime, në mënyrë që ta ketë një
sezon sa më të mirë në Superligë. Me ndihmën e Tovërlanit, Trepça ’89 u
rikthye në Superligë këtë sezon, pasi qëndroi një vit në Ligën e Parë
të Kosovës në futboll.