Johnny Depp ka vendosur televizione në setin ku po xhirohet filmi “Pirates of the Caribbean: On Stranger Tides”, në mënyrë që të jetë në hap më zhvillimet në Botërorin, Afrika e Jugut 2010.
Aktori që është duke e ripërsëritur rolin e tij të kapitenit Jack Sparrow, në serinë e katërt të filmit fantastik, është fans i flaktë i futbollit, ndërsa është përkujdesur që ai dhe pjesa tjetër e stafit të mos mbesin pa e shikuar Botërorin.

“Ka televizione gjithandej setit të filmit dhe pushime të rregullta kur ka ndeshje të mëdha gjatë Botërorit. Johnnyt i pëlqen futbolli dhe me gjithë ata britanikë në staf dhe në Botëror, do të ishte e padrejtë humbja e ndonjë sfide”, tha një burim për revistën Absolute Now.