Organizata joqeveritare, Demokracia në Veprim, i ka publikuar rezultatet preliminare për zgjedhjet lokale në komunën e re të Parteshit.

Sipas këtyre rezultateve, për postin e kryetarit të komunës udhëheq Nenad Cvetkoviq me 47, 4%, pastaj Todor Mirkoviq me 25,5%, në vend të tretë është Vesna Jovanoviq me 23,0%, ndërsa 4,2 % të votave thuhet se i ka marrë Goran Millosheviq.

Ndërkohë sipas rezultateve preliminare për Kuvendin Komunal të Parteshit, Demokracia në Veprim e ka radhitur partinë Zaviçaj me 40,0% në vendin e parë, JSL thuhet se ka fituar 20% të votave, pastaj Narodna me 17,7%, e pasuar nga Gizzo me 16,7% dhe SSSD-ja me 5,6 %.
Sipas këtyre të dhënave, kryetari i Parteshit do të zgjidhet me balotazh dhe gara do të zhvillohet në mes të Nenad Cvetkoviqit dhe Todor Mirkoviqit.

Rezultatet përfundimtare për zgjedhjet lokale në Partesh pritet të bëhen publike së shpejti edhe nga Komisioni Qendror i Zgjedhjeve në Kosovë.