Kanë mbetur vetëm edhe pesë ditë deri në hapjen e ankandit, në të cilin do të shitet “monedha” më e madhe në botë e arit e quajtur “Gold Maple Leaf”. Monedha do të jetë e rëndë 100 kilogramë, me diametër 53, dhe “e trashë” tre centimetra.

Vlera nominale e “monedhës” është një milion dollarë, por vlera e tregut vlerësohet në 4 milionë dollarë, që do të jetë edhe çmimi i saj fillestar në ankand, i cili do të mbahet më 25 qershor në shtëpinë e ankandeve “Dorotheum” në Austri.

“Gold Maple Leaf” ka hyrë në librin e rekordeve “Guiness” që në vitin 2007, si “monedha” më e madhe në botë.