Në rajonin e Gjakovës, Departamenti Ekzekutiv i Policisë së EULEX-it, nën mbikëqyrjen e Prokurorisë Speciale (PSRK), të mërkurën ka kryer një bastisje në një shtëpi dhe ka arrestuar një të dyshuar mashkull në lidhje me krimet e luftës.

Rasti – siç bëhet e ditur në një komunikatë – “është pjesë e hetimeve të vazhdueshme të EULEX-it mbi keqtrajtimet e mundshme të personave të mbajtur në objektet e UÇK-së në veriun e Shqipërisë gjatë konfliktit të viteve 1998-1999”.

Lidhur me këtë rast janë identifikuar edhe dy të dyshuar të tjerë, përfundon komunikata e EULEX-it. /