Edhe pse merren kryesisht me muzikë, ka raste kur bëjnë tifo për ekipe të caktuara të Kampionatit Botëror “Afrika e Jugut 2010”. Disa nga këngëtaret shqiptare kanë dhënë parashikimet e veta dhe adhurojnë ekipet të caktuara për lojën që bëjnë, e disa të tjera adhurojnë ekipet shkaku i lojtarëve që luajnë në to.

Prishtina si kurrë më parë duket se ka një interesim të madh për të përcjellur Kampionatin Botëror ”Afrika e Jugut 2010”. Atmosferë mjaft e ndezur sportive është edhe nëpër lokalet e shumta që kanë bërë ambiente sportive dhe adhuruesit e shumtë kanë sytë nga televizorët dhe projektorët. Kjo atmosferë duket që ka interesim edhe nga estrada jonë dhe një pjesë e madhe e tyre janë duke e përcjellur rregullisht këtë botëror, dhe janë duke bërë tifo për ekipet e tyre të preferuara.

Zanfina Ismajli, Mirsa Kerqeli, Ryva Kajtazi, Adelina Berisha, flasin për Kampionatin Botëror dhe parashikimet e tyre për garën në Afrikën e Jugut.

Këngëtarja Zanfina Ismajli ka thënë për Kosovapress se është një adhuruese e ekipit të Portugalisë dhe shpreson që kapiteni i kësaj skuadre të ngre Kupën e Botërorit në “Afrikën e Jugut”.

“Sivjet do të jem një tifoze e flaktë e Portugalisë. Edhe pse kam shumë pak kohë për ta ndjekur për shkak të angazhimeve, do të bëj tifo për këtë kombëtare për shkak se në të luan Cristiano Ronaldo”, ka thënë Zanfina.

Këngëtarja tjetër, Mirsa Kerqeli ka thënë për Kosovapress se edhe pse ka dëshirë të sheh të gjitha lojërat në Kampionatin Botëror “Afrika e Jugut 2010”, thotë se nuk ka shumë kohë për t’i parë. Megjithatë, ajo do po shikon lojët kur luan Italia dhe po bënë tifo për këtë ekip. Ajo thotë se ekipet Italiane çdoherë kanë bërë një lojë më të veçanet në krahasim me ekipet e kombëtareve tjera.

Por ka edhe nga këngëtarët që si sport nuk e duan edhe aq futbollin. Këngëtarja Ryva Kajtazi ka thënë për Kosovapress se nuk ka përcjellë lojët që janë zhvilluar deri më tani, por e vetmja gjë e cila po i bënë përshtypje është që njerëzit janë aq të dhënë pas kësaj loje, sa që po e fasionojnë.

Nga ana tjetër, këngëtarja Adelina Berisha ka thënë për Kosovapress se do të bëjë tifo për Brazilin, sepse për këtë ekip luan njëri prej lojtarëve të preferuar të saj, mesfushori kreativ i Real Madridit, Leite Kaka.

Ndryshe, këngëtarja Genta Ismajli përkundër asaj që nuk ka shumë kohë për ta parë Kampionati Botror ”Afrika e Jugut 2010”, dihet se do të bëjë tifo për Italinë. Kurse, bukuroshja kosovare, Agnesa Vuthaj ka dy ekipe që parapëlqen të fitojnë. Është fjala për Anglinë dhe Gjermaninë