Lutja tek Varrezat

Titulli: Lutja tek Varrezat Sat Jul 03, 2010 6:27 am

Lutja tek Varrezat

Pyetja:
Es selamu alejkum forumit,
Jam tepër i gëzuar që na e keni mundësuar që të mësojmë sa ma shumë për fenë tonë Islame. Unë kisha një pyetje, nëse më lejohet, me leje do të isha falënderuar shumë për një përgjigje të shejtë, si të jetë e mundshme. Pyetja është kështu: mbrenda 2 muajve kam humbur dy anëtarë të familjes dhe unë kam marr pjes në varrim, por kam shkuar t´i vizitoj ose perkujtoj tek varri mirëpo nuk dij se çfarë duaje apo lutje të bëj. A ka mundësi me më tregu, ose me më këshillu, si të jetë e mundshme ju lutem, dhe ju falënderohem shumë.
Me respekt, Soti Sopa
Pergjigjeja:
Falënderimet i takojnë Allahut, paqja dhe bekimet e Tij qofshin mbi të Dërguarin e Tij Muhamed, mbi familjen e tij, mbi shokët e tij dhe mbi të gjithë ata që ndjekin rrugën e tij deri në Ditën e Gjykimit.
Ve alejkum selam ve rahmetullah
Kur ti vizitosh varrezat, është sunet t´i pershëndesësh banorët e tyre me këtë selam (përshëndetje):

Esselamu alejkum ehled-dijari minel mu'minine uel muslimin ve ina insha Allahu bikum lahikin, eselullahe lena ve lekumul afije.

Paqja qoftë mbi ju, o ju banor besimtar dhe musliman të këtij vendbanimi. Edhe ne, nëse don All-llahu, do të ju bashkangjitemi juve. E lusim All-llahun që të ju mëshiroj juve dhe neve.

Kjo është sunet të thuhet.
Ndërsa, të lutesh tek varrezat është bidat (risi në fe) dhe nuk lejohet, përveç kur të varroset dikush, është sunet ta lusësh All-llahun e Lartësuar aq kohë sa të therret një kurban, dhe të shpërndahet mishi i tij. Lutja nuk lejohet gjatë vizitës së varrezave.
Kur dëshiron të lutesh për të vdekurit e tu, lute Allahun [Xhele Shanuhu] duke qenë në sexhde (në namazet sunet) që t´i mëshirojë ata, sepse Pejgamberi (SalAllahu Alejhi ve Selem) ka thënë:

Më së afërmi njeriu ndaj All-llahut është kur është në sexhde, prandaj luteni All-llahun kur të jeni në sexhde.

Poashtu, është e lejuar të lutesh edhe gjatë ditës në momente të ndryshme, i ngrit duart dhe e lut All-llahun [Xhele Shanuhu] për të vdekurit e tu.
Dhe All-llahu e di më së miri.

Përgaditi:	Eroll Nesimi
Kuran dhe Sunnet © 2002-2009