E dashura juaj është vajzë e pasur. Ajo është e bukur, inteligjente, seksi dhe shumë e pasur. Por ju nuk dëshironi që të mbaheni nga e dashura e juaj dhe nuk dëshironi që ajo të mendojë që ju e doni vetëm për paratë e saj. Ju duhet t’ia dëshmoni asaj se paratë nuk ju interesojnë, prandaj ne i kemi disa rregulla për ju.

Nga Express më 03.07.2010 në ora 12:29
Bëhuni romantik dhe kreativ: Kjo gjë mund të funksionojë shumë dhe nuk është e domosdoshme të harxhoni shumë të holla. Ju mund të bëni gjëra për të dashurën tuaj me shumë pak, por te e dashura juaj mund të leni shumë përshtypje. Nëse ju një natë i bëni një befasi të dashurës p.sh një darkë romantike, ajo është një vajzë e pasur dhe ju mund të thoni një dark nuk është asgjë sepse ajo ka shumë të holla dhe mund të frekuentojë restorante shumë luksoze, por besoni që ajo më shumë do t’i preferojë këto lloj darkash se ato në restorante.

Bëhu ambicioz: Ajo është vajzë e pasur që do të thotë është e rrethuar me njerëz të pasur. Ose, ose të gjithë djemtë që i vardisen janë të pasur, por ju mos u brengosni për këtë gjë. Ju vetëm tregohuni që jeni ambicioz dhe keni plane për të ardhmen. Femrave u pëlqen kur i dashuri i tyre nuk kënaqet me pak dhe ai kërkon shumë nga jeta.

Mbajeni vetën sa më shumë: Ndoshta ju nuk keni aq shumë para sa t’i harxhoni edhe shumë në veshje. Ndoshta ju as nuk keni para që për një darkë t’i blini një kostum të Armanit. Por, mos u dëshpëroni sepse nuk do të thotë që vetëm rrobat me firmë ju bëjnë të dukeni bukur apo tërheqës. E krejt ajo se çfarë duhet të bëni është që të dukeni shumë i pastër t’i keni rrobat e pastra dhe të jeni sa më pedant.

Bëhu i mirë në shtrat:Ju duhet të tregoheni një “Don Zhuan”i vërtetë në aspektin intim. Duhet t’i zbuloni të gjitha dëshirat e saj të fshehta. Kjo gjë do t’ju ndihmojë shumë në lidhjen tuaj. Dhe ndoshta, ndoshta ajo edhe do të harxhojë ca të holla për ju.

Bisedoni me të në mënyrë që askush nuk e ka bërë: Ajo vjen nga paratë dhe paratë do të thonë pushtet. Mos u frikësoni nga pasuria e saj sepse ajo është nga mishi e gjaku sikur ju. Mundohuni ta trajtoni në një mënyrë që askush deri tash nuk e ka bërë. Kur ajo dëshiron të bisedoj me ju, atëherë ju duhet të tregoheni shumë i kujdesshëm dhe të tregoheni që jeni të interesuar në bisedën e saj.

Qëndro i sigurt dhe mos u hidhëro: Kjo nuk do t’ju kushtojë asgjë. Ju jeni mashkull dhe femrat i duan meshkujt e vërtetë dhe jo ata të cilët nuk janë të sigurt dhe shumë shpejt u ngelet hatri. Ju duhet t’i dëshmoni asaj se në çdo vendim që ju do ta merrni ju jeni shumë i sigurt, por edhe anasjelltas kur e dashura juaj merr ndonjë vendim dhe juve nuk ju konvenon edhe shumë, atëherë mos shfaqni asnjë shenjë të hidhërimit. Është pak e vështirë që një femër të bëhet e lumtur, por me pak mundim ju edhe mund t’ia arrini, prandaj mos u dorëzohuni lehtë.