Holanda në finale

Titulli: Holanda në finale Wed Jul 07, 2010 11:02 pm

Përfaqësuesja e Holandës ka shënuar fitore prej 3-2 përballë Uruguait, për të siguruar finalen e tretë në një botëror në histori të ‘Tulipanëve’.
Goli i parë në ndeshje erdhi nga mbrojtësi veteran Giovanni van Bronckhorst, i cili kaloi Holandën në epërsi me një supergoditje nga distanca (18’).

Kapiteni dhe padyshim lojtari më i mirë i Uruguait, Diego Forlan, ktheu baraspeshën në lojë me një gol fantastik, për të mbyllur pjesën e parë me rezultat 1-1.

Në njëzet minutat e fundit të takimit, lojtarët me fanellat ‘portokalli’ arritën që brenda tre minutash të shuanin shpresat e Uruguait për ndonjë befasi.

Fillimisht, një goditje e Wesley Sneijder u devijua dhe përfundoi në portë për të rikthyer epërsinë e Holandës (70’), ndërsa pas një krosimi të Dirk Kuyt, Arjen Robben me kokë vulosi fituesin e takimit (73’).

Në minutat shtesë, Maxi Perreira arriti të ngushtojë epërsinë, mirëpo uruguaianët nuk patën kohë që ta barazojnë rezultatin deri në fund ta takimit.

Në finalen e madhe të 11 korrikut (e diel), Holanda do të luajë kundër fituesit të supersfidës Gjermani- Spanjë.

» Guardiola: El Classico nuk është finale, por duhet të luajmë si finale
» Alonso: Dua gol në finale
» Stoke në finale të FA Cup
» Ronaldo: E dua Unitedin në finale
» Spanja në finale të Botërorit

Holanda në finale

Holanda në finale

Similar topics

Similar topics