Schweini: Nuk luajtëm si duhet


Bastian Schweinsteiger, një prej lojtarëve kyç të suksesit të Gjermanisë në Botërorin e sivjetmë, ishte plot frustrim dhe zhgënjim pas gjysmëfinales së humbur ndaj Spanjës, duke thënë se Gjermania nuk e luajti lojën e vet.


“Unë jam i hidhëruar sepse ishim shumë pranë finales, por më pas nuk luajtëm si kemi planifikuar. Natyrisht, Spanja ka pasur më shumë posedim të topit, ata kanë shumë lojtarë të mirë fizik. Por, ne është dashur të jemi më të mirë, shpeshherë vrapuam pas topit”.
“Ndaj Spanjës nuk patëm shumë raste shënimi, por kemi mundur ta shfrytëzojmë atë që e kemi pasur. Spanja e meritoi fitoren, ata janë ende një hap më të mirë se Anglia dhe Argjentina. Por, ne kemi treguar se kemi një ekip të mirë të ri me të ardhme të ndritur”, deklaroi Schweini