Johanesburg, 8 korrik – Zdrukthëtari britanik David Jones, i cili në kohën e lirë është hipnotizues i gjarpërinjve, do të përpiqet të thyejë rekordin e tanishëm botëror dhe të jetojë në Afrikën e Jugut për katër muaj me 40 gjarpërinjtë më helmues në botë.

Britaniku 44-vjeçar, aktualisht është në Afrikën e Jugut, transmetojnë agjencitë.

Megjithëse disa nga gjarpërinjtë janë të interesuar për Kampionatin Botëror të futbollit sa edhe ai, jeta me 40 gjarpërinj helmues nuk është aspak e lehtë.

Në përpjekjen e fundit për të thyer rekordin në vitin 2009, u kafshua nga një gjarpër dhe për pak i shpëtoi vdekjes.

Rekordin vazhdon ta mbajë jugafrikani Martin Smith, i cili ka kaluar 113 ditë pa u kafshuar në shoqëri me gjarpërinjtë helmues.