Tiranë, 9 korrik - Modelja dhe këngëtarja e njohur nga Kosova me banim në SHBA, Afërdita Dreshaj, ka bërë në plan që këto ditë vere t’i kalojë në Tiranë. Shumë prej kolegëve të saj këngëtarë, me të cilët Afërdita ruan marrëdhënie shumë të mira, banojnë në kryeqytetin shqiptar, kjo është edhe një nga arsyet pse Dreshaj e viziton herë pas here Tiranën, raporton BalkanWeb. Pas suksesit të këngës së saj më të fundit Afërdita ka publikuar edhe një përmbledhje të këngëve të saj, të titulluar “Just kiss me”. Ajo është duke shijuar ndërkaq një romancë të gjatë dashurie me këngëtarin e suksesshëm Shpat Kasapi, dhe siç duket së shpejti do të kemi një dasmë në rradhët e VIP-ave.