Recesioni është reflektuar edhe në koncertet e turneve, pasi që në 100 turnetë më të vizituara në Amerikën Veriore në gjashtë muajt e parë të këtij viti janë fituar vetëm 200 milionë dollarë më pak se sa në të njëjtën periudhë të vitit të kaluar.

Siç shkruan revista “Polstar”, fitimet nga turnetë kanë rënë për 17 për qind. Të hyrat e përgjithshme nga performancat direkte, 965.5 milionë dollarë, janë më të ulëtat në gjysmën e parë të vitit që nga viti 2005, kur fitimi ishte 730.9 milionë dollarë.

Rënie kanë shënuar edhe shitja e biletave për koncerte, ku në 100 turnetë më të vizituara janë shitur mesatarisht 6.951 bileta për një koncert, që është për rreth nëntë për qind më pak se sa në të njëjtën periudhë të vitit të kaluar kur mesatarja ishte 7.639.