Tokio, 11 korrik – Japonezja Tamiko Jasuta (66) është arrestuar pasi që me ombrellë kishte goditur një të ri dhe i theu hundën, pasi që nuk dëshiroi t’i lëshojë vendin në transportin publik, shkruan gazeta britanike “Telegraph”.

Dëshmitarët thonë se Tamiko u zemërua, pasi që djali nuk pranoi të ngritët dhe t’i lëshojë ulësen, e cila përndryshe ishte për të moshuar. Gruaja gjatë debatit me 18-vjeçarin nxori ombrellën dhe e goditi.

Policia ka njoftuar se Tamiko nuk ka dëshiruar as të pranojë as të mohojë fajin, dhe shtoi se më herët është dënuar për shkak të fyerjeve të studentëve në autobus. Atëherë, shpëtoi vetëm me paralajmërim.