Los Angeles, 12 korrik - Një sondazh i kryer së fundi ka treguar atë që mendojnë gratë mbi fizikun e burrit ideal, 61 për qind e të intervistuarave kanë zgjedhur fytyrën e Johnny Depp, si me idealen për një mashkull.
Flokët më të bukura janë vlerësuar ato të David Beckham me 42 për qind, krahët të Rafael Nadal me 63 për qind, kraharori më i bukur është zgjedhur ai i Daniel Craig.

Në këtë mozaik imagjinar, gratë kanë vlerësuar shpatullat e Taylor Lautner, barkun e Ryan Reynolds e këmbët e Frank Lampard.

I njëjti sondazh është kryer edhe te meshkujt, për të përcaktuar ata se cila do të ishte pamja e mashkullit perfekt.

Përgjigjet e tyre kanë qenë tërësisht të ndryshme prej femrave, njofton Top Channel.

Ata zgjedhin Brad Pitt si mashkullin me fytyrë ideale, flokët e Gerard Butler, kraharorin e Will Smith, krahët e Vin Diesel, shpatullat e Hugh Jackman, barkun e Matthew McConaughey dhe këmbët e Johnny Wilkinson.