Los Angeles, 15 korrik – Eva Mendes nuk dëshiron që publiku ta konsiderojë vetëm si seksi. Ajo më shumë do të dëshironte të ishte grua e mençur dhe e mprehtë.

Se njeriu kurrë nuk është i kënaqur, tregon edhe shembulli i Eva Mendesit. Megjithëse shumë e konsiderojnë si femrën më seksi të kohës sonë, Eva nuk është e kënaqur me një status të tillë.

“E di që unë vet jam përgjegjëse për përshtypjen që ka krijuar publiku për mua, pasi që jam paraqitur në mënyrë seksi, por një perceptim i tillë mua më ka frustruar mjaft. Më shumë do të dëshiroja të më perceptonin si grua të mençur e të mprehtë”, ka deklaruar Eva për mediet amerikane.

Me gjithë dëshirat e saj, nuk ka dyshim se Eva do të vazhdojë të konsiderohet si seks bombë. Një status i tillë i ka ndihmuar në karrierë, por edhe në të ardhmen mund të presim nga ajo role të tilla.