Paris, 19 korrik - Boeing 747 i kompanisë franceze Air France, i cili fluturonte në linjën Rio de Janeiro-Paris, u detyrua të kthehej pas dy orë udhëtimi për shkak të tualeteve të prishura.

Fakti se shumica e tualeteve të aeroplanit ishin jashtë përdorimit shkaktoi zemërim të madh midis pasagjerëve.

Në njoftimin e lëshuar nga kompania ajrore thuhej se piloti ka vendosur të kthehet në aeroportin e Rios “për shkak të problemeve teknike të disa tualeteve”.

Për 443 pasagjerët në fluturimin që zgjat 11 orë, kjo paraqiste problem të madh, thuhet në njoftim. Siç raportuan mediet franceze, pasagjerët e vlerësuan situatën si kaotike, absurde dhe të paimagjinueshme, dhe kërkuan zgjidhje.

Pas kthimit në Rio, tualetet u rregulluan dhe aeroplani fluturoi përsëri për Paris, por me një ditë vonesë.