Ferguson: Nuk na duhen përforcime të reja

Titulli: Ferguson: Nuk na duhen përforcime të reja Wed Jul 21, 2010 12:36 am

Trajneri i Mançester Junajtedit, Aleks Ferguson ka pohuar se është i kënaqur me fondin aktual të futbollistëve që i ka në dispozicion dhe se janë të pakta gjasat që deri në fund të këtij afati kalimtar në “Old Trafford” të vijë ndonjë përforcim i madh.

Strategu skocez ka transferuar vetëm dy futbollistë deri më tash, mbrojtësin e Fulhamit, Kris Smalling dhe sulmuesin e kombëtares meksikane, Havier Hernandez. Të dy këta futbollistë janë angazhuar më shumë si zgjidhje për të ardhmen, duke pasur parasysh se iu mungon përvoja e të luajtur në nivelin më të lartë. Për këtë arsye Junajtedi edhe më tutje lidhet me emrat e disa futbollistëve, ku së fundmi është përfshirë edhe emri i sulmuesit të Interit, Mario Balotelli. Megjithatë, Ferguson ka thënë se skuadra e tij nuk ka nevojë të shikojë më drejt tregut të futbollistëve. Ai po ashtu ka thënë se Junajtedi nuk është aspak i shqetësuar nga blerjet e klubeve tjera, veçmas Mançester Sitit, pasi është i përqendruar vetëm në atë që ndodh në ‘Old Trafford’. “Nuk mund të flas për klubet e tjera. Ne jemi të lumtur me skuadrën të cilën e kemi. Kemi transferuar futbollistët në periudhën e duhur dhe jemi të gëzuar me atë që kemi”, ka theksuar Ferguson.

» “Vetëvendosje” me përforcime nga Shqipëria
» Juve i ofron Benitez 80m euro për përforcime
» Kuyt: Me disa përforcime mund ta fitojmë titullin
» Ja se sa duhen Dafina me Krenarin!
» Casillas: Na duhen tifozët ndaj Lyonit

Ferguson: Nuk na duhen përforcime të reja

Ferguson: Nuk na duhen përforcime të reja

Similar topics

Similar topics