Phenian, 24 korrik - Koreja Veriore është kërcënuar se do ta përdorë atë që ajo e quajti “zbrapsje bërthamore” në përgjigje ndaj ushtrimeve të përbashkëta ushtarake nga aleatët, Koreja Jugore dhe Shtetet e Bashkuara.

Agjencia shtetërore e lajmeve e Koresë Veriore i transmeton fjalët e Komisionit Kombëtar Mbrojtës në Phenian, se ushtria e Koresë Veriore është e gatshme ta përdorë “zbrapsjen atomike” dhe të zhvillojë “luftë të shenjtë” kundër ushtrimit SHBA-Kore Jugore.

Më herët këtë javë, Pheniani ka tërhequr vërejtjen se do të përdorë “përgjigje fizike” ndaj ushtrimeve ushtarake SHBA-Koreja Jugore, që fillojnë nesër në gadishullin korean.