Agjenti i mesfushorit të Juventusit, Mauro Camoranesi, thotë se është arritur marrëveshje për transferim të lojtarit në Birmingham City.
Camoranesi ka edhe një vit të mbetur nga kontrata e tij aktuale, të cilës ai do t’i japë fund me një marrëveshje të dyanshme me Juventusin dhe pritet t’i bashkohet Birminghamit si transfer i lirë.
“Është arritur një marrëveshje që Camoranesi t’i bashkohet Birmingham Cityt. Le të themi se të hënën do të jemi në Angli për të punuar në detajet përfundimtare dhe tashmë jemi në rrugën e duhur. Camoranesi ka thënë po dhe do të jetë entuziast për këtë aventurë të tij të re”, ka thënë agjenti i lojtarit, Vlado Borozan për TuttoMercatoWeb.