Pas tre viteve si përfaqësuesi më i lartë i shteteve të Bashkuara të Amerikës në Tiranë, ambasadori John Withers përfundon misionin në Tiranë. Largimi i ambasadorit amerikan do t’i hapë rrugë ardhjes së përfaqësuesit të radhës së Shteteve të Bashkuara në Shqipëri.
Pak ditë më parë, përfaqësuesi i lartë amerikan zhvilloi dhe takimet e lamtumirës me krerët më të lartë të shtetit shqiptar. Në mesin e vjeshtës pritet të vijë në Tiranë për të paraqitur letrat kredenciale, ambasadori i ri i SHBA-së në Tiranë, Alexandër Arvizu.

Phnom Penh, Kamboxhia, Seuli dhe Osaka-Kobe në Japoni janë disa prej pikave të spikatura në angazhimin diplomatik të Arvizut. Një karrierë të spikatur, ambasadori i ri e ka pasur edhe në Uashington, ku ka mbajtur postin e drejtorit të çështjeve aziatike në Këshillin Kombëtar të Sigurimit gjatë administrimit të dytë të ish-presidentit Bill Clinton.

Po kështu ai ka qenë për 3 vjet zv.shef shërbimi në Bangkok të Tajlandës. Arvizu është i martuar me Anne Florence Cunningham dhe ka dy fëmijë, Yukiko dhe Hailey.