Nju-Jork, 24 shtator -Presidenti i Republikës së Kosovës, Fatmir Sejdiu është takuar me presidentin e Shteteve të Bashkuara të Amerikës, Barack Obama, në këtë takim u konfirmua mbështetja e vazhdueshme që SHBA-të.i japim Kosovës.

Nga Presidenca njoftojnë se në takimin që u realizua në kuadër të pritjes tradicionale vjetore që presidenti Obama organizon për liderët e shteteve, presidenti Sejdiu falënderoi presidentin Obama për përkrahjen e vazhdueshme që SHBA i kanë dhënë dhe po vazhdojnë t’i japin Republikës së Kosovës.

Presisenti Obama ka ritheksuar përkushtimin që SHBA-të kanë ndaj Kosovës. “Do të jemi me ju, do t’ju përkrahim në vazhdimësi.”

Në pritjen e organizuar nga presidenti amerikan, kreu i shtetit të Kosovës Fatmir Sejdiu ka zhvilluar takime me një numër të madh burrështetasish nga shtete të ndryshme.