Përmes Ministrisë së Administrimit të Pushtetit Lokal (MAPL), Komuna e Vushtrrisë ka marrë një njoftim se Komisioni Evropian do të financojë ndërtimin e objektit të Komunës.

KE ka ndarë një fond prej 5 milionë euro për ndërtimin e pesë objekteve komunale, në mesin e të cilave është edhe ajo e Komunës së Vushtrrisë, ka konfirmuar kryetari i komunës, Bajram Mulaku.

“Ky është një lajm i mirë për shkak se administrata komunale punon në një objekt shumë të vjetër dhe që nuk i plotëson kushtet për punë”, ka thënë Mulaku.

Kuvendi i Komunal ka marr vendim që objekti i komunës të ndërtohet në lokacionin ku aktualisht është tregu i gjelbër./A.Damati/