---

Miliarderi amerikan Donald Tramp paralajmëroi se seriozisht është duke menduar për mundësinë që të kandidohet për president të SHBA-ve, në zgjedhjet që do të mbahen në vitin 2012.

Në deklaratat e tij për disa televizione, Tramp konfirmoi se për herë të parë në jetë seriozisht është duke menduar për këtë mundësi.

Ndërsa në pyetjen gazetarëve se kur do të marrë vendimin përfundimtar dhe nëse do të kyçet në garën zgjedhore, miliarderi ka thënë se për këtë i duhet ende kohë.

Ndër të tjera. Tramp tha se më parë nuk ka menduar të kandidohet, porse e ka ndërruar mendimin kur e ka kuptuar se SHBA-ja ka shumë probleme, para se gjithash ekonomike.

Miliarderi amerikan Donald Tramp në opinionin amerikan është shumë i njohur dhe shumë i pranishëm në mediumet e atjeshme dhe një person i cili në NBC ka shou të vetë, është pronar i zinxhirit të vendeve për kumar dhe licencë për Mis Univers, ndërsa sipas pikëpamjeve politike deklarohet si republikan.