[You must be registered and logged in to see this image.]
Sulmuesi i kombëtares shqiptare, Hamdi Salihi, një ditë para përballjes më Bjellorusinë, është shprehur optimist se skuadra e tij mund të marrë një pikë në këtë takim.

Ai ka thënë se Shqipëria atë që bëri ndaj Bosnjës, mund ta bëjë edhe ndaj bjellorusëve.

“Arma jonë më e fortë është entuziazmi, pasi i morëm një pikë Bosnjës. Të njëjtën gjë mund ta bëjmë edhe ndaj Bjellorusisë”, ka thënë Salihi.

Sipas tij, pavarësisht mungesave të disa lojtarëve standard, Shqipëria mund të marrë rezultat pozitiv në Minsk.

Shqipëria dhe Bjellorusia përballen nesër në Minsk, në kuadër të eliminatorëve të evropianit të ardhshëm që mbahet në vitin 2012, në Poloni dhe Ukrainë.

Aktualisht Shqipëria renditet në vendin e dytë në grupin D me pesë pikë, po aq sa ka edhe Bjellorusia në vendin e tretë. Tabelën e kryeson Franca me gjashtë pikë.