Vala powered by b>PTK b> font>
Numri i postimeve : 3627 Data regjis. : 08/04/2010 Age : 33 Location : Kosovë
| Titulli: PTK ruan e prish koalicionin qeverisës Thu Oct 14, 2010 12:09 am | |
| Prishtinë, 13 tetor- Partnerët e koalicionit qeverisës, PDK-LDK, janë duke u bërë gati që të ballafaqohen mes vete menjëherë pas përfundimit të vizitës së sekretares amerikane të Shtetit, Hillary Clinton, e cila do të qëndrojë në Kosovë të mërkurën (sot). Përplasja e parë pritet të bëhet të enjten në Kuvendin e Kosovës gjatë shqyrtimit të strategjisë së privatizimit të PTK-së, kurse e dyta, fill pas publikimit të datës së zgjedhjeve nga ana e ushtruesit të detyrës së presidentit, Jakup Krasniqi. LDK-ja ka vendosur që ta kundërshtojë privatizimin e PTK-së në rrethanat e tanishme, kurse PDK-ja vazhdon të jetë e pozicionuar në mbështetje të strategjisë së ofruar nga Qeveria. PDK-ja, në anën tjetër, është pro mbajtjes së zgjedhjeve të parakohshme në fund të janarit, kurse LDK-ja është për mbajtjen e tyre në javën e parë të marsit. Më 25 shtator, kur strategjia për privatizimin e PTK-së ishte hequr nga rendi i ditës, me kërkesë të LDK-së, nga qarqe qeveritare ishte paralajmëruar se kryeministri Hashim Thaçi do të jepte dorëheqje, nëse LDK-ja do të votonte kundër. Këtë fakt e kanë konfirmuar drejtues të partive opozitare, duke treguar se kanë pranuar “sms”-a përmes së cilëve u është bërë me dije të qëndrojnë të përgatitur për një gjë e tillë. Por, ushtruesi i detyrës së presidentit, Jakup Krasniqi, nuk e sheh të arsyeshme që strategjia për privatizimin e PTK-së të bëhet sebep për prishje të koalicionit. “Jeta e koalicionit nuk varet as nga PDK-ja e as nga LDK-ja, po varet nga interesi për të shkuar në zgjedhjet e parakohshme e jo në zgjedhjet e jashtëzakonshme”, ka deklaruar ai, pas një mbledhjeje që ka mbajtur me anëtarët e Kryesisë së Kuvendit dhe me shefat e grupeve parlamentare. Në cilësinë e kryetarit të Kuvendit, ai ka rikujtuar se në seancën e para dy javëve është kërkuar që të hiqet nga rendi i ditës kjo strategji e jo që të shtyhet. “Prandaj, ne e kemi vënë në rend të ditës dhe do të vendosë Kuvendi nëse do apo jo ta privatizojë PTK-në”, ka shtuar Krasniqi. Se Kuvendi duhet ta thotë fjalën e fundit rreth kësaj çështjeje pajtohet edhe shefi i Grupit parlamentar të LDK-së, Ismet Beqiri, mirëpo ky i fundit nuk pranon që ky proces të jetë i ndikuar nga “shantazhet” e qarqeve të larta qeveritare. “Nëse ky është një shantazh (paralajmërimi për dorëheqje i kryeministrit v.j.) ai le ta mbajë për vete. Nuk duhet të lidhen proceset e rëndësishme për shtetin me emra”, ka thënë Beqiri, duke mohuar që personalisht të ketë qenë njoftuar rreth asaj që është përfolur për kryeministrin. Sidoqoftë, ai ka thënë se “është çështje e kryeministrit” të veprojë ashtu si dëshiron ai. Beqiri, megjithatë, ia ka dërguar një mesazh shefit të Qeverisë. “Proceset e rëndësishme shtetërore nuk duhet të ndërlidhen në këtë mënyrë, sepse kjo do të dilte kontraproduktive edhe për vetë atë që e bën një gjë të tillë”, ka porositur Beqiri (më gjerësisht sot në “Kohën Ditore”). |
|