New York, 13 tetor - Asambleja e Përgjithshme e OKB-së ka zgjedhur të martën Gjermaninë, Portugalinë, Indinë, Afrikën e Jugut dhe Kolumbinë për anëtare të përkohshme të Këshillit të Sigurimit të OKB-së. Anëtarësimi i këtyre shteteve do të jetë me mandat dyvjeçar, raporton REL.

Ndërkaq, në një raund të dytë votimesh shkuan Kanadaja dhe Portugalia, dy vende këto që garonin për vendin e mbetur bosh në Këshillin e Sigurimit të OKB-së. Mirëpo, në ndërkohë Kanadaja u tërhoq, duke i krijuar mundësinë Portugalisë që t’i bashkohet trupit prej 15 shteteve të KS-së, që e ka autoritetin e vendosjes së sanksioneve dhe dërgimin me mision të trupave paqeruajtëse të OKB-së.