Leposaviq, Jarinje, 18-tetor - Një antenë e operatorit Vala, në fshatinPostenje të komunës së Leposaviqit, është hedhur në erë, kanë njoftuar burime të Koha.net. Hedhjen në erë të antenës së operatorit në afërsi të kufirit Kosovë-Serbi, në vendin e quajtur Jarinje e ka konfirmuar edhe policia në Mitrovicës. “Një antenë e një operatori kosovar është dëmtuar nga një mjet shpërthyes në Jarinje të Leposaviqit, të hënën në orët e
hershmë të mëngjesit”, ka konfirmuar zëdhënësi i policisë në Mitrovicë, Besim Hoti. Sipas tij polcia së bashkau me ekipet e specializuara kanë dalë në vendin e ngjarjes dhe
janë duke bërë hetimin rreth mjetit shpërthyesi si dhe pronë e kujt është kjo antenë. Deri më tani policia nuk ka asnjë person të dyshuar rreth këtij rasti, ka thënë zëdhënësi i policisë rajonale në Mitrovicë.
Burime të Koha.net në veri ndërkaq njoftojnë se antena e operatorit Vala ka qenë e vendosur në truallin e Aleksandar Gjorgjeviqit, në fshatin Postejnë, i cili gjendet në afërsi të pikës kufitare Kosovë-Serbi, në Jarinje. Po këto burime pohojnë se shpërthimi në këtë antenë është kryer nga grupe serbësh të specializuar, që udhëhiqen nga Ministria e Punëve të Brendeshme të Serbisë.