Medina
Mikë/e i/e Forum-it
Numri i postimeve : 17104
Data regjis. : 12/11/2009
Age : 34
Location : Tek Parajsa Pa Drita
 |  Titulli: Vdiq oktapodi Paul Wed Oct 27, 2010 10:33 pm | |
|  Oktapodi Paul, i cili u bë sensacion në mbarë botën pasi që me sukses parashikoi rezultatet e disa ndeshjeve në Kampionatin e sivjetmë të Futbollit i mbajtur në Afrikën e Jugut, vdiq në gjumë, njoftoi “Eurosport”.
Stefan Porwoll, drejtor gjeneral i “Sea Life Center” në Oberhausen nga ku Paul parashikoi të gjitha rezultatet e ndeshjeve, e pohoi këtë lajm.
“Ai vdiq natën e kaluar, si pasojë e vdekjes natyrale”, tha Porwoll.
Paul i lindur më 2008 në qytetin anglez Weymouth, ka parashikuar me sukses rezultatet e shtatë ndeshjeve të kombëtares gjermane gjatë Kampionatit, ndërsa më pas parashikoi edhe fitoren e Spanjës në finale kundër Holandës. Gjatë kampionatit botërorë, Paul merrte ushqimin në njërën prej dy kutive në të cilat vendoseshin flamujt e reprezentacioneve të cilat luanin dhe gjithmonë oktapodi futej në kutinë e duhur.
Kjo aftësi prej orakulli e shndërroi atë në atraksion të vërtetë dhe shumë njerëz ofruan shuma të majme parash për ta blerë pas kampionatit. Megjithatë “Sea Life Center” në Oberhausen vendosi ta mbajë yllin e vet, ndërsa tash janë shumë të mërzitur me vdekjen e tyre. “Të gjithë e kemi dashur dhe të gjithëve do të na mungojë”, tha Porwoll.
|
|
