Medina
Mikë/e i/e Forum-it
Numri i postimeve : 17104
Data regjis. : 12/11/2009
Age : 34
Location : Tek Parajsa Pa Drita
 |  Titulli: Blekko, makine e re kerkimi Mon Nov 08, 2010 12:31 am | |
| Makina e kërkimit të internetit Blekko u mundëson përdoruesve të internetit të kanalizojnë rezultatet e kërkimeve sipas kritereve personale.
Kompania Blekko ka paraqitur makinën e internetit me të cilën shpreson se do të grabis një pjesë të tregut nga Google, Bing dhe emrat tjerë të mëdhenj në këtë fushë.
Në kompani deri më tani janë investuar 24 milionë dollarë, e dallimi bazë krahasuar me makinat tjera të kërkimit është se rezultatet janë të vendosura nëpër kategori, e edhe vet përdoruesit mund të krijojnë kategoritë e tyre personale dhe të kanalizojnë rezultatet e kërkimeve.
Tani për tani Blekko ka shtatë kategori kryesore: health, automotive, lyrics, colleges, personal finance, recipes, dhe hotels, përderisa përdoruesit mund të krijojnë edhe ato të tyre. Rezultatet mund të kanalizohen edhe në drejtimin që duam duke përdorë kategori shtesë të cilat definojnë prirjet, si “liberal” apo “conservative”. Sa për ilustrim, shprehja “climate change /conservative” do të jep rezultate të faqeve të cilat promovojnë mendime konservative politike, derisa “climate change /science” do të jep rezultate nga faqet shkencore të internetit.
Përdoruesit edhe vet mund të krijojnë kategoritë e tyre si dhe, nëse duan, mund t’u lejojnë edhe përdoruesve tjerë të kontribuojnë në ato lista.
Krijuesit e Blekkos janë të vetëdijshëm se nuk mund të konkurrojnë me Google e Bing, prandaj theksojnë se kanë për qëllim që të bëhen makina e tretë e kërkimeve të internetit për kah popullariteti. Sipas tyre, për afarizëm profitabil do t’iu mjaftojnë një deri në dy milionë pyetje në ditë në makinën e tyre.
|
|
