Medina
Mikë/e i/e Forum-it
Numri i postimeve : 17104
Data regjis. : 12/11/2009
Age : 34
Location : Tek Parajsa Pa Drita
 |  Titulli: Festat e forcojnë ndjenjën e humanizmit Tue Nov 16, 2010 8:14 pm | |
|  Mijëra besimtarë myslimanë në gjithë Kosovën kanë nisur në orët e hershme të mëngjesit festimin e Kurban Bajramit. Ceremonia kryesore me rastin e festës së Kurban Bajramit është mbajtur në Xhaminë e Madhe në Prishtinë, ndërsa janë mbajtur dy ligjërata tematike, kushtuar kësaj feste.
Në mesazhin drejtuar qytetarëve, kreu i Bashkësisë Islame të Kosovës, Myftiu Naim Tërnava tha se Festa e Kurban Bajramit forcon ndjenjën e besimit, të humanizmit dhe për t’i dalë në ndihmë atyre që kanë nevojë.
“Dita e Kurban Bajramit troket në ndërgjegjen e besimtarit, e rizgjon atë për ta rikthyer te krijuesi, për të marrë dhe kryer obligime që dalin nga porositë e Kuranit dhe porositë e profetit Muhamet. E forcon edhe më ndjenjën e besimit, humanizmin në vepër; zemrën e mbush plotë me mëshirë dhe ndjenjën për t’i dalë në ndihmë atij që ka nevojë”, u shpreh Tërnava pas faljes së Namazit. Tërnava u bëri thirrje myslimanëve që “t’ua shtrijnë dorën” njerëzve që kanë nevojë për ndihmë.
Ndërkaq, nga ora 9:00 e mëngjesit selinë e Bashkësisë Islame të Kosovës e kanë vizituar udhëheqës më të lartë të pushtetit dhe të partive politike. Ata kanë uruar të gjithë besimtarëve islamë për këtë festë të solidaritetit e të mirëkuptimit.
|
|
