Medina
Mikë/e i/e Forum-it
Numri i postimeve : 17104
Data regjis. : 12/11/2009
Age : 34
Location : Tek Parajsa Pa Drita
 |  Titulli: Balotazhi në Rahovec, më 19 dhjetor Tue Nov 23, 2010 12:12 am | |
|  Gara e balotazhit për kryetar të Rahovecit do të mbahet pas një muaji, përkatësisht më 19 dhjetor, një javë pas zgjedhjeve të përgjithshme të jashtëzakonshme parlamentare. Në balotazh do të jenë kandidatët e LDK-së dhe PDK-së, të cilët kanë fituar më së shumti vota në zgjedhjet që u mbajtën të dielën.
Komisioni Qendror Zgjedhor (KQZ) ka publikuar rezultatet preliminare të zgjedhjeve për kryetar të komunës së Rahovecit, sipas të cilave kandidati i LDK-së, Ibrahim Kryeziu prinë me 5211 vota ose 28.3 për qind, para Xhelal Canzibës nga PDK me 4952 ose 26.9 për qind, Smajl Latifi AAK 4740 ose 25.8 për qind, Rexhep Oruçi i AKR-së me 3021 ose 16.4 për qind dhe Luljeta Kadiri i LDD-së me 473 vota ose 2.6 për qind.
Valdete Daka, kryetare e KQZ-së, tha se rezultatet përfundimtare do të jepen pas dy ditësh, pasi që të bëhet edhe numërimi i votave me kusht, votave të votuesve me nevoja të veçanta dhe i atyre përmes postës.
Të drejtë pjesëmarrjeje në zgjedhjet në Rahovec kanë pasur 49.272 qytetarë, ndërsa është votuar në 34 qendra votimi dhe 71 vendvotime. Por, të dielën në Rahovec kanë votuar 19 966 qytetarë, ose 40.5 për qind e qytetarëve, që llogaritet të jenë pesë për qind më pak në krahasim me zgjedhjet e kaluara lokale, të vitit 2009.
|
|
