Medina
Mikë/e i/e Forum-it
Numri i postimeve : 17104
Data regjis. : 12/11/2009
Age : 34
Location : Tek Parajsa Pa Drita
 |  Titulli: S’ka poste ministrore për ish-ministrat e LDK Fri Dec 03, 2010 6:59 am | |
|  Kryetari i ri i LDK-së, Isa Mustafa, ka thënë se nuk do të ketë poste ekzekutive për ish-ministrat e kësaj partie nëse nuk marrin vota nga elektorati, duke e cilësuar këtë si mënyrë më demokratike sesa mënyra arbitrare e përzgjedhjes së drejtuesve të posteve.
“Në qoftë se ata fitojnë do të fitojnë për deputetë, në qoftë se nuk fitojnë për deputetë, nuk do të kenë shansin minimal që të jenë ministra, dhe më tej e përfundojnë këtë lloj karriere. Punë tjetër është që në fusha të tjera ku ata munden në aspektin profesional ose në aspekt tjetër të japin kontributin e tyre, natyrisht do të kemi kujdes që t’i angazhojmë të gjithë në mënyrë që njerëzit ta gjejnë veten aty ku mund të japin kontributin e tyre”, ka thënë Mustafa në një intervistë për televizionin “Alsat”.
Lideri i LDK-së ka thënë se nuk i ka larguar nga organet drejtuese të partisë ish-ministrat e LDK-së në Qeverinë në largim, edhe pse ka qenë kritikuesi i madh i koalicionit qeverisës, ngase ata janë propozuar nga baza dhe nga degët e partisë.
“Kanë fituar votat atje dhe nuk është e drejtë e imja që unë në mënyrë arbitrare të them se ky duhet të largohet. Ata do të ballafaqohen tani me votën e popullit. Ne kemi 110 propozime për deputetë dhe nëse 40 për qind e tyre arrijnë të kalojnë është një sukses i mrekullueshëm për ne, por të gjithë këta do t’i nënshtrohen tani votës dhe për të gjithë këta do të jepet nota e qytetarëve, e anëtarësisë së LDK-së, dhe do të jenë këta që do të vendosin se a kanë më autoritet këta njerëz që të përfaqësojnë LDK-në apo nuk kanë”, ka thënë Mustafa.
Sipas tij, fakti që në listën e LDK-së për deputetë 70 për qind janë persona që nuk kanë qenë përpara në listë, flet për një konkurrencë mes atyre që kanë hyrë si të rinj dhe atyre që kanë qenë më përpara dhe do të fitojë ai që merr votën e qytetarit.
Duke folur për raportin me ish-kryetarin e LDK-së dhe ish-presidentin e Kosovës, Fatmir Sejdiun, Mustafa ka thënë se ende ka raporte të mira me të.
“Do të shfrytëzojmë zotin Sejdiu për shkak se ai ka përvojë të gjatë në LDK, ka qenë sekretar i përgjithshëm, ka qenë kryetar, ka qenë president i shtetit, do të thotë se është njeri që njeh në mënyrë fundamentale organizimin e LDK-së, pasi njeh historinë e LDK-së, njeh njerëzit e saj, dhe mendoj se është shumë e dobishme që ne të kemi një bashkëpunim shumë të mirë”.
|
|
