Medina
Mikë/e i/e Forum-it
Numri i postimeve : 17104
Data regjis. : 12/11/2009
Age : 34
Location : Tek Parajsa Pa Drita
 |  Titulli: Heqja e vizave varet prej qeverisë së ardhshme Fri Dec 10, 2010 1:13 am | |
|  Raportuesja e Parlamentit Evropian (PE) për Kosovën, Ulrike Lunacek ka thënë se pret që zgjedhjet në Kosovë të jenë të lira dhe demokratike dhe pa manipulime, ndërsa pohon heqja e vizave për kosovarët do të varet prej qeverisë së ardhshme.
“Unë nuk jam e gatshme të flas për data të caktuara. Kjo varet prej qeverisë së re, se sa shpejt do t’i zbatojë këto kërkesa. Ndërsa ne europarlamentarët duhet të bindim qeveritë tona që udhëtimi i lirë dhe pa viza i qytetarëve të Kosovës është i mirë dhe domosdoshëm”, ka thënë Lunacek në një intervistë për Deutsche Welle në gjuhën shqipe.
E pytur për deklarimet e kryeministrit në largim Hashim Thaçi se vizat do të hiqen shumë shpejt, ndoshta edhe në pranverën e vitit të ardhshëm, Lunacek ka thënë deklaratat e tij i ka kundërshtuar edhe gjatë qëndrimit të saj në Kosovë, ngase askujt nuk i është premtuar asgjë. “Këtë nuk e ka bërë askush në Bruksel, sepse nuk është reale. Kjo varet prej qeverisë së ardhshme, se sa shpejt do t'i kryejë detyrat e saj. Sa më shpejt i kryen, aq më lehtë do të jetë edhe për ne të bindim BE dhe Këshillin e Evropës, sepse disa gjëra ende mungojnë. Teknikisht kjo mund të realizohet, le të themi, për një apo dy vite. Por, është e qartë se obligimet duhet të kryhen, sepse vetëm premtimet nuk mjaftojnë”.
Sipas Lunacekut, deri në liberalizimin e vizave Kosova duhet t’i plotësojë edhe disa kushte, ndërsa dialogu është vetëm fillimi, që nuk do të thotë se menjëherë do të vijë edhe liberalizimi. “Duhet të plotësohen kushtet, si përpilimi i regjistrave funksionalë civilë dhe krijimi i kushteve për dhënien e pasaportave biometrike. Por, kushti i parë i përcaktuar prej BE-së, me të cilin unë dhe ekologjistët në PE nuk jemi dakord, është riatdhesimi i azilkërkuesve dhe emigrantëve, të cilët jetojnë në mënyrë jolegale në këto vende. Për krijimin e kushteve për kthimin e tyre Qeveria e Kosovës ka marrë këtë vit gjysmë milioni euro. Për vitin e ardhshëm janë ndarë edhe 3,5 milionë euro tjera. Kjo ndoshta nuk mjafton, që do të thotë se ka nevojë për ndihma të tjera prej BE”.
|
|
