Medina
Mikë/e i/e Forum-it
Numri i postimeve : 17104
Data regjis. : 12/11/2009
Age : 34
Location : Tek Parajsa Pa Drita
 |  Titulli: Partitë ankohen për incidente të izoluara Mon Dec 13, 2010 1:06 am | |
|  Subjektet pjesëmarrëse në zgjedhjet nëpërmjet konferencave për media dhe komunikatave janë ankuar për shkelje të procesit zgjedhor, duke akuzuar palët rivale për shkaktimin e disa incidenteve të izoluara.
PDK-ja është ankuar se kryetari i degës së saj në Prishtinë, Ramadan Avdiu është kërcënuar pasi ka votuar në shkollën fillore “Emin Duraku”. Sipas kësaj partie, rasti është paraqitur në polici. PDK-ja është ankuar për parregullsi në lagjen “Kodra e Trimave” në Prishtinë. Sipas zëdhënësit të kësaj partie, Blerand Stavileci, simpatizantë dhe militantë të LDK-së, janë duke bëtë presion tek votuesit në pesë shkolla të kësaj lagjeje.
LDK-ja ka shprehur shqetësimet e saj për disa incidente që kanë ndodhur. Sipas zyrtarëve të kësaj partie, incidentet më të rënda janë shënuar në zonën e Drenicës, përkatësisht në disa qendra të votimit në komunën e Drenasit ku janë vërejtur persona që kanë votuar disa herë.
Lideri i “Vetëvendosjes”, Albin Kurti ka thënë se janë duke e monitoruar imtësisht procesin zgjedhor në secilën qendër e në secilin vendvotim dhe ka njoftuar edhe për shkelje më të vogla i parandalojmë shkeljet e mëdha.
Zyrtarë nga “Koalicioni për Kosovë të Re” kanë raportuar se deri më tani kanë identifikuar një numër të parregullsive. Sipas kësaj partie, këto parregullsi kanë të bëjnë kryesisht me detektorët e ngjyrës së gishtërinjve, votimin nga disa herë të personave, vënien e materialeve propagandistike në qendrat e votimeve. Zëdhënësi Arbër Geci ka thënë se partitë tjera politike janë duke ushtruar presion ndaj komisionarëve të tyre nëpër qendrat e votimit, ai tha se AKR është e shqetësuar për këtë dhe bënë thirrje për respektim të kodit të mirësjelljes.
Edhe subjekte të tjera politike janë ankuar gjatë ditës për parregullsi zgjedhore, kryesisht për mosfunksionimin e llambave ultravjollce
|
|
