Medina Mikë/e i/e Forum-it
Numri i postimeve : 17104 Data regjis. : 12/11/2009 Age : 34 Location : Tek Parajsa Pa Drita
| Titulli: Qeveria: Marty gënjen Wed Dec 15, 2010 6:46 am | |
| Qeveria e Kosovës përmes një deklarate për media ka hedhur poshtë raportin e raportuesit të Këshillit të Evropës, Dick Marty, i cili ka akuzuar ish-liderët e Ushtrisë Çlirimtare të Kosovës se në vitin 1999 kanë organizuar rrëmbimin e njerëzve të cilëve në Shqipëri u janë marrë organet për trafikim. Në deklaratë thuhet se pretendimet e botuara në “The Guardian“ janë hetuar disa herë nga drejtësia vendore dhe ndërkombëtare, dhe në të gjitha rastet është konstatuar që deklarimet e tilla kanë qenë të pabazuara në fakte dhe të konstruktuara me qëllim të dëmtimit të imazhit të Kosovës dhe të luftës së Ushtrisë Çlirimtare të Kosovës“.
Në të përditshmen britanike “ The Guardian” u publikua të mërkurën një artikull i cili thirret në një raport të anëtarit të Asamblesë Parlamentare të Këshillit të Evropës, Dick Marty, i cili është në vazhdën e raporteve të cilat janë publikuar në 12 vitet e fundit dhe që kanë pasur për qëllim njollosjen e luftës së Ushtrisë Çlirimtare të Kosovës dhe të udhëheqësve të saj, thuhet në deklaratën e Qeverisë së Kosovës.
Tutje ne deklaratë thuhet se „është e papranueshme që shpifjet e një anëtari të Asamblesë Parlamentare të Këshillit të Evropës të paraqiten si opinione të vet institucionit, i cili nuk ka të bëjë me raportin e cituar“.
“Është e qartë se dikush dëshiron të pengoj kryeministrin Hashim Thaçi pas zgjedhjeve parlamentare, në të cilat qytetarët e Kosovës, në mënyrë të qartë dhe masive i dhanë besimin për të vazhduar programin zhvillimor dhe qeverisjen e vendit tonë“, thuhet në deklaratën e lëshuar nga Qeveria e Kosovës.
“Veprimet e tilla të ulëta dhe bizare, nga njerëz pa asnjë kredibilitet moral, mund të jenë në shërbim vetëm të qarqeve të caktuara që nuk ia duan të mirën Kosovës dhe qytetarëve të saj“.
“Opinioni i gjerë vendor dhe ndërkombëtar tashmë e di fare mirë se Dick Marty që nga fillimi, pa u mbështetur në asnjë fakt dhe argument, ka qenë paragjykues dhe i vendosur që të raportojë në favor të qëndrimeve që ka shprehur bashkëpunëtorja dhe mikja e tij Carla Del Ponte dhe Qeveria e politikanët e Republikës së Serbisë“, thuhet ne komunikatë.
Qeveria e Republikës së Kosovës dhe kryeministri Hashim Thaçi thuhet në deklaratë do të ndërmarrin të gjithë hapat dhe veprimet e nevojshme për të kundërshtuar shpifjet që ka bërë Marty, duke përfshirë edhe rrugët ligjore dhe politike.
“Qeveria e Republikës së Kosovës i bën thirrje të gjitha shteteve anëtare të Këshillit të Evropës që të kundërshtojnë fuqishëm këtë raport shpifës dhe tendencioz dhe të mos rreshtohen në anën e atyre që me çdo kusht duan ta pengojnë stabilitetin, progresin dhe qeverisjen e mirë në Republikën e Kosovës”.
|
|