Medina
Mikë/e i/e Forum-it
Numri i postimeve : 17104
Data regjis. : 12/11/2009
Age : 34
Location : Tek Parajsa Pa Drita
 |  Titulli: Edhe Naser Rugova e braktisë Dacin Fri Dec 17, 2010 8:20 am | |
|  Nënkryetari i Lidhjes Demokratike të Dardanisë, Naser Rugova ka njoftuar se ka dhënë dorëheqje nga kjo parti. Më anë të një komunikate, ai këtë vendim e ka arsyetuar me përgjegjësi morale, politike dhe njerëzore.
“Zgjedhjet e 12 dhjetorit ishin një sfidë serioze jo vetëm për LDD-në, por edhe për tërë Kosovën. Procesi që i parapriu këtyre zgjedhjeve po ashtu ishte një sfidë tjetër serioze, e cila e ka goditur rëndë LDD-në. Si rrjedhojë e tërë kësaj, fatura të cilën e kemi paguar më 12 dhjetor ishte shumë e rëndë dhe tepër serioze”, ka thënë Rugova në komunikatë.
Rugova ka shtuar se ka pritur që pas rezultateve preliminare Kryesia e LDD-së të mbante Këshillin Kombëtar dhe të ofronte dorëheqjen.
“Unë sinqerisht kam pritur se menjëherë pas rezultateve preliminare, Kryesia do të ftonte Këshillin Kombëtar dhe do të ofronte dorëheqje si akt moral dhe politik. Do të ishte pastaj përgjegjësi e Këshillit dhe e Konventës Kombëtare se si do ta menaxhonte situatën dhe çfarë masash do të merrte në pajtim me situatën”, është shprehur Rugova.
Në fund, pos tjerash Rugova në arsyetimin e tij për këtë dorëheqje, ka shkruar se të premten, më 17 dhjetor, pritet të mbahet mbledhja me degë dhe aty, “para përfaqësuesve të degëve, edhe fizikisht do të jap sqarimet e mia për ofrimin e dorëheqjes. I ngelet anëtarësisë dhe strukturave të LDD-së të përcaktohet për hapat e mëtutjeshëm”, ka shkruar ai |
|
