Medina
Mikë/e i/e Forum-it
Numri i postimeve : 17104
Data regjis. : 12/11/2009
Age : 34
Location : Tek Parajsa Pa Drita
 |  Titulli: Dick Marty ishte dhe mbetet antishqiptar Sat Dec 18, 2010 7:59 am | |
|  Raporti i raportuesit të Këshillit të Evropës, Dick Marty, është i pabazuar në fakte, prova apo realitet, është politikisht i motivuar, ka deklaruar ministri i Punëve të Jashtme të Shqipërisë, Edmond Haxhinasto. Sipas tij, ajo çfarë është më problematikja, nuk ka pasqyruar me vërtetësi atë që ka ndodhur, qoftë në procesin hetimor, qoftë edhe atë çfarë ka qenë realiteti i zhvillimeve për çështjet që trajton raporti.
“Unë shpreh keqardhjen time që një person i tillë si zoti Marty të mbajë qëndrime të tilla, politikisht të motivuara, dhe të shfrytëzojë një platformë të respektuar, siç është ajo e Këshillit të Evropës - një institucion që qëndron si ruajtës, si gardian i parimeve të etikës dhe realizmit - për të paraqitur akuza të tilla që, siç e thashë, janë krejtësisht të pabazuara dhe nuk pasqyrojnë realitetin”.
I pyetur se a mendon që raportuesi i Këshillit të Evropës e ka zgjedhur jo paqëllim këtë moment për të publikuar raportin e tij, shefi i diplomacisë shqiptare tha se ekziston një fakt që Marty, në qëndrimet e tij publike, është shprehur krejtësisht kundër zhvillimeve politike të pavarësimit të Kosovës dhe ka pasur një qëndrim aspak miqësor ndaj shqiptarëve kudo që jetojnë në rajon.
“Institucionet shqiptare kanë qenë gjithmonë të përgatitura dhe e vërteta është se ato i kanë ofruar edhe zotit Marti personalisht bashkëpunimin e tyre për t’i realizuar hetimet e nevojshme. Këto hetime janë realizuar. Hetime janë realizuar edhe nga Gjykata Ndërkombëtare për Krimet në ish-Jugosllavi dhe konkluzioni i tyre ka qenë se pretendimet si këto, të këtij raporti, janë krejtësisht të pabazuara dhe të pavërteta”, tha ministri shqiptar në një intervistë për Radion Evropa e Lirë.
Ministri Haxhinasto tha se raporti i Martyt përbën një rast kur abuzohet në mënyrë flagrante me prestigjin, reputacionin, përgjegjshmërinë e një institucioni siç është Këshilli i Evropës, ku sipas tij, persona të motivuar thellësisht politikisht mbajnë qëndrime të papërgjegjshme, që implikojnë jo vetëm persona, por edhe shtete, në çështje që nuk kanë asnjë bazë faktike.
|
|
