Grupi irlandez i muzikës rok, “The Cranberries”, është detyruar të anulojë koncertin e caktuar të mbahej në Detroit, për ta lejuar këngëtaren Dolores O’Riordan që të merret me një çështje familjare.
Këngëtarja e hitit “Zombie” të martën e ardhshme duhej të ishte me grupin e saj në Detroit, mirëpo ajo anuloi koncertin.

WENN njofton se nuk dihen më shumë detaje në lidhje me këtë çështje, mirëpo grupi i cili është ribashkuar së fundmi (pas pushimit shtatëvjeçar) ka premtuar se do të plotësojë këtë datë me një datë tjetër.