Lillian Lowe (103) nga Tenby në Pembrokeshire komunikon rregullisht me miqtë e saj, duke përdorë iPadin. Besohet se ajo është personi më i moshuar që ka profil në rrjetin popullor social Facebook.

Lillian përmes Facebookut mban kontakte me miqtë e saj, por edhe me 7 nipërit e saj dhe 13 stërnipërit e saj, njoftojnë mediet britanike.

Gjyshja e pazakontë për dy javë do të mbushë 104 vjet, ndërsa titullin e përdoruesit më të moshuar të Facebookut e mori nga Ivy Bean (104), e cila vdiq në korrik të këtij viti.

Edhe pse përmirësimet dhe shtesat në Facebook do të ngatërronin shumë persona të moshës së saj, Lillian nuk ka kurrfarë probleme. Facebookun e viziton disa hera në javë duke përdorë iPadin e nipit të tij 47-vjeçar, por së shpejti do të blejë një vetëm për vete.