Arkeologët kinezë mendojnë se kanë zbuluar një kupë bronzi që përmbante një supë të përgatitur para 2 400 vjetëve.

Zbulimi u krye nga gërmimi në një varr në rajonin Xian dhe kjo është hera e parë në historinë e arkeologjisë kineze që gjendet një supë me mish me kocka. Instituti Arkeologjik kinez tha se zbulimi do të përdoret për studimin e zakoneve ushqimore në periudhën e Mbretërive Luftarake në shekullin V-III para erës sonë.

Gjatë punimeve për zgjerimin e aeroportit të Xian janë gjetur varre dhe enë, një kazan i vogël që përmbante kocka dhe një lëng të gjelbër.

Ky lëng do të analizohet për të njohur përbërësit e mundshëm të supës.