Manipulimet në zgjedhjet e fundit dhe emërimi i mundshëm i ministrave të rinj po krijojnë përçarje mes zyrtarëve të lartë të PDK-së, e cila me në fund mund të rezultojë edhe me largimin e disa zyrtarëve të saj.
Burimet brenda PDK-së kane deklaruar për Zëri, se numri i irrituarve me këto manipulime është tejet i madhe, dhe se kjo gjendje mund të shkaktoj probleme të mëdha brenda partisë në një të ardhme të afërt.
“Nëse procesi i rinumërimit nuk i korrigjon gabimet, kurse më 9 janar mund të këtë përsëri manipulime nga komisionarët e PDK-së, partia mund të zhytet në krizë të rënd të brendshme”, ka thënë një prej kandidateve të PDK-së, për deputet.
I shqetësuar për atë që ka ndodhur ditën e zgjedhjeve brenda PDK-së, është shfaqur sekretari i saj i përgjithshëm , Jakup Krasniqi dhe disa kandidat të kësaj partie për deputet, Ushtruesi i detyrës së presidentit, Jakup Krasniqi ka thënë se “organizimin konspirativ” të zgjedhjeve në shumë vendvotime kanë marrë pjesë të gjitha partitë dhe komisionarët e tyre duke mos përjashtuar edhe PDK-në.
Kurse ditën e zgjedhjeve, i informuar për manipulimet qe po ndodhnin nga komisionarët e PDK-së, Krasniqi u ka dërguar Sms, përgjegjëseve të kësaj partie duke u bëre të ditur se PDK-ja nuk ka dhëne asnjë direktive për kë do të votohet përveç Nr. 49, pra PDK-së, duke i quajtur jodemokratike dhe dëmtim të votës se lirë direktivat tjera.
