Turmat janë bashkuar rreth kinemave te të gjithë botës përderisa premiera e filmit të Michael jackson “This Is It” pritet të jepet në të njëjtën kohë në 14 qytete të mëdha.
Filmi i shumë pritur paraqet një xhirim prej 80 orëve të provave të Jacko-s për koncertin e tij në Londër, në stadiumin O2 Arena. Regjisori Kenny Ortega e ka quajtur filmin “një tregim të një mjeshtëri për aftësitë e tij”, duke shtuar se “se ai është dokumenti i fundit i liderit dhe shokut tonë”.
Michael Jackson ka vdekur në moshën 50 vjeçare me 25 qershor para se të shiteshin të gjitha biletat për koncertin e tij. Edhe njerëzit e famshëm janë duke shikuar që të rezervojnë vende për të parë filmin e Jackson.
Në Los Angeles, anëtarëve të familjes Jackson përfshirë edhe vëllezërit e tij Jermaine, Marlon, Tito dhe Randy do të shkojnë për ta parë atë si mbështetje për dokumentarin. Duke bërë rrugën për në premierën e tij, Jermain i ka përkujtuar adhuruesit duke thënë se Jacko nuk ishte i tëri gjatë xhirimeve të provave të tij.
“Do të shikoni parapërgatitje të asaj çfarë mund të ishte koncerti më i madh në botë. Do ta shikoni atë duke bërë lëvizje por jo duke e dhënë maksimumin e tij për 100 për qind”, ka thënë ai. Vëllezërve Jackson ju ka bashkuar në tepihun e kuq në LA edhe Will Smith, Jennifer Lopez, Katy Perry dhe Paris Hilton.
Besohet se nëna e Jacko-s, Katherine dhe fëmijët Prince, Paris dhe Blanket do të shikojnë filmin në një kinema private larg syrit të mediave. Adhuruesit janë mbledhur në Leicester Square që të shikojnë të famshmit që do e përcjellin filmin që do shfaqet saktësisht në orën 23:30 në LA.
JLS, Mel B dhe Abbey Clancy ishin të parët që kanë marrë biletat dhe të paret do të paraqiten në tepihun e kuq. Filmi pritet që t’i sjell producentëve fitime prej 100 deri në 600 milion fitime për dy javë.
“This Is It” edhe në Prishtinë
Përderisa në të gjithë botën njerëzit janë ngutur për të marrë bileta për filmin, përfshirë këtu edhe VIP, ende nuk dihet se kush do ta shikoj filmin nga VIP-it e Kosovës për Mbretin e Popit në kinemanë ABC që do të jepet sonte në Prishtinë?
Kritikët kanë vlerësuar se në provat e tij, Jackson kishte treguar se është një njeri i madh, me kulturë pune dhe kulturë të madhe muzikore.
Premiera në ABC pritet që të jepet 12 orë para premierës në Los Angeles, ndërkaq ditë më parë menaxhmenti i kësaj kinemaje kishte thënë që presin që filmi të këtë shikues edhe në Prishtinë.
Filmi me xhirime për Mbretin e Popit filloj se montuari pas vdekjes së tij, ndërkaq premiera e tij e parë do të shënohet në Londër, pastaj në Paris, Berlin, Romë. Para këtyre qendrave evropiane filmi pritet të jepet në Prishtinë, pasi që premiera e filmit “This Is It” do të filloj të jepet nga ora 20:00.
Menaxhmenti i kinemasë ka paralajmëruar se ky film pritet të këtë shikues – duke shtuar shpresat se ai do t’i sjell fitime kësaj kinemaje e cila gjatë tërë vitit nuk ka arritur që të mbledh mbi 10 000 shikues.
