FSK-ja, ashtu siç e projektuam

Titulli: FSK-ja, ashtu siç e projektuam Tue Dec 28, 2010 11:31 pm

Ministri në largim i Forcës së Sigurisë së Kosovës, Fehmi Mujota ka pohuar se ngritja e FSK-së shkoi ashtu siç ishte planifikuar, ndërsa ndër të arriturat kryesore për FSK-në e vlerësoi pajisen me armë të pjesëtarëve.

Në konferencën përmbyllëse për këtë vit, Mujota si të arritura i vlerësoi edhe marrjen e përgjegjësisë nga KFOR-i për deminim, si dhe angazhimin në kërkim shpëtim në Shkodër.

Për dy vjet në FSK, sipas krerëve të saj, janë trajnuar rreth 2200 pjesëtarë. Këto zhvillime sipas Mujotës kanë bërë që të fitohet përshtypja se anëtarësimi në NATO, do të bëhet më shpejt sesa është paramenduar në fillim të vitit.

Në këtë konferencë për media u përmenden edhe mangësitë. E para ishte mungesa e ligjit për pensionimin e pjesëtarëve të FSK-së dhe mosrealizimi i tërësishëm i buxhetit.

Ministri në largim, Fehmi Mujota nuk dha shenja nëse do të jetë sërish ministër i FSK-së në qeverinë e ardhshme. Ai tha se është i kënaqur me punën, por pohoi se politika do ta bëj të vetën.