Benfica ka hedhur poshtë spekulimet që thoshin se klubi portugez është në bisedime me Chelsean për tranferimin e mbrojtësit David Luiz.

Ishte thënë ditëve të fundit se Chelsea ka ngritur ofertën e refuzuar nga Benfica në 24 milionë euro, me ç’rast dhe kishin filluar bisedimet. Sidoqoftë, është klubi portugez tani ai që me anë të një komunikate ka hedhur poshtë pohimet në fjalë.

“Sport Lisboa e Benfica dëshiron të qartësojë se nuk ka kurrfarë negociatash me Chelsean apo ndonjë klub tjetër sa i përket transferimit të lojtarit David Luiz dhe se lajmet e publikuara së fundmi janë të pa vërteta”, shkruan në komunikatën e klubit portugez.