jashtë lojtarë të Barcelonës, së bashku me portierin e Real Madridit, Iker Casillas dhe trajnerin Jose Mourinho, janë përfshirë në listën e ekipit më të mirë të vitit 2010 nga UEFA, të zgjedhur nga votuesit në faqen zyrtare UEFA.com.
Gerard Pique, Carles Puyol, Xavi, Andres Iniesta, Lionel Messi dhe David Villa, të gjithë kanë arritur të futen në këtë listë, me pesë prej tyre që ishin të sukesshëm edhe në Botërorin e Afrikës së Jugut.
Më shumë se 400 mijë vizitorë votuan në këtë sondazh, i cili poashtu e sheh Iker Casillasin si portier të vitit, me Mourinhon si trajner të vitit, ndërsa Puyol pos pozitës si qendërmbrojtës ka arritur të shpallet nga vizitorët si kapiteni dhe lideri shpirtëror i ekipit të vitit.
Për Puyolin kjo është hera e gjashtë që futet në ekipin e vitit të UEFA-s, ndërsa UEFA i ka dhuruar atij një shumë prej 100 mijë eurosh, e cila do të shfrytëzohet për çështje bamirësie sipas dëshirës së tij.
Ekipi i vitit sipas UEFA-s:
Portier: Iker Casillas (Real Madrid)
Mbrojtësit: Maicon (Inter), Gerard Pique (Barcelona), Carles Puyol (Barcelona), Ashley Cole (Chelsea)
Mesfushorët: Cristiano Ronaldo (Real Madrid), Xavi Hernandez (Barcelona), Wesley Sneijder (Inter) Andres Iniesta (Barcelona)
Sulmuesit: Lionel Messi (Barcelona), David Villa (Barcelona).
Trajneri: Jose Mourinho (Real Madrid)
