Nicola Legrottaglie ka nënshkruar marrëveshje gjashtëmujore me Milanin, pasi u largua nga Juventusi.

Deklaratat që konfirmojnë marrëveshjen janë paraqitur në faqet zyrtare të dy klubeve. Juventusi ka zbuluar se kërkesa është bërë nga vetë lojtari, i cili ka shprehur dëshirën për t’u larguar.

“Legrottaglie në Milan. Klubi Futbollistik Juventus bën të ditur se klubi ka vendosur të pranojë kërkesën e Nicola Legrottaglie dhe ai është transferuar te Milani si lojtar i lirë”, shkruhet në deklaratën e Juvensutit.

“Milani bën të ditur se ka arritur të transferojë në bazë të përhershme nga Juventus FC futbollistin Nicola Legrottaglie, i cili ka nënshkruar kontratë deri më 30 qershor 2011”, shkruan Milani në faqen e vet.